پاکستان اورترکیہ نے چاول کی تجارت بڑھانے پر اتفاق کیا ہے، پاکستان نے عالمی قیمتوں کے مطابق چاول فراہم کرنے کی پیشکش کی ہے،قیمتوں میں مسابقت اور برآمدی حجم میں اضافے پر زور دیا گیا،حکومتی سطح پر چاول کی تجارت بھی زیر غور ہے ۔ اسلام آباد میں وفاقی وزیرتجارت جام کمال خان اور ترک سفیر کی ملاقات ہوئی،اجلاس کو بتایا گیا کہ پاکستان میں چاول کی بہترین فصل ہوئی اوروافر برآمدی سرپلس دستیاب ہے،ترکیہ کو باسمتی اور نان باسمتی چاول مسابقتی نرخ پرسپلائی کرنے کی یقین دہانی بھی کروا دی گئی۔آزاد تجارتی معاہدے کے تحت کوٹہ اٹھارہ ہزار میٹرک ٹن بڑھانے پر زوردیا گیا،وزارت تجارت کے مطابق مذاکرات میں باسمتی چاول پرصفر یا کم ٹیرف پر تبادلہ خیال کیا گیا،پاک ترکیہ دوطرفہ تجارت پانچ ارب ڈالر تک بڑھانے کا ہدف ہے،اس حوالے سے کاروباری وفود اور بی ٹو بی روابط بڑھانے پر اتفاق کیا گیا،جبکہ آئندہ ہفتوں میں تکنیکی وفود کی ملاقات بھی متوقع ہے۔

کریڈٹ: انڈیپنڈنٹ نیوز پاکستان-آئی این پی