سینیٹرمحمود الحسن اورسینیٹر سلیم مانڈوی والاپاکستانی پارلیمانی وفد نے واشنگٹن میں امریکی پارلیمنٹ کا دورہ کیا،جہاں وفد نے ا مریکی سینیٹرز اورکانگریس اراکین سے ملاقاتیں کیں اور انہیں دورہ پاکستان کی دعوت دی۔اس موقع پرخطاب کرتے ہوئے کانگریس مین ران ایسٹس نے اس بات پر زور دیا کہ پاکستان اور امریکا کے درمیان انٹر پارلیمانی تبادلوں کو فروغ دیاجانا چاہیے،امریکی پارلیمانی وفد نیسینیٹر رانا محمود الحسن کی دعوت قبول کرتے ہوئے پاکستان آنے کا وعدہ کیا۔تقریب سے خطاب میں سینیٹر سلیم مانڈوی والا نے کہا کہ امریکا اور پاکستان کے تعلقات صرف حکومتی سطح تک محدود نہیں ہونے چاہئیں بلکہ پارلیمانی سطح پر روابط بھی نہایت اہم ہیں،

تقریب میں کانگریس مین ٹوم سوازی کی نمائندگی کرتے ہوئے انکی معاون نے انکا پیغام پڑھ کر سنایا،جس میں بتایا گیا کہ انکی فیملی پاکستان سے ہجرت کرکے بھارت گئی تھی اور وہ سکھ برادری کی جانب سے پاکستان سے محبت کے جذبات رکھتے ہیں۔ادارے کے چیئرمین ڈاکٹرمجتبی نے خطاب میں کہا کہ کانگریس مین ایل گرین کو پاکستان اسٹریٹیجک بائی پارٹیزن کاکس بنانے کی دعوت دی گئی،جسے انہوں نے قبول کر لیا ہے، اس کاکس کو مالی وسائل امریکا میں مقیم پاکستانی فراہم کریں گے۔واشنگٹن کے کیپٹل ہل میں منعقدہ تقریب کے دوران پاکستانی اور امریکی وفود کے درمیان تحائف کا تبادلہ بھی کیاگیا،پاکستانی پارلیمانی وفدکو وائٹ ہائو س میں بھی مدعو کیاگیا ہے،واضح رہیکہ پاکستانی پارلیمانی وفد پاکستان پالیسی انسٹیٹیوٹ یو ایس اے کی دعوت پر امریکا پہنچا ہے۔

کریڈٹ: انڈیپنڈنٹ نیوز پاکستان-آئی این پی