وزیرستان کے پرامن سلیمان خیل قبیلے کیلئے فرنٹئیر کور خیبر پختونخوا ( سائو تھ) کی جانب سے سماجی منصوبوں کی تکمیل کرلی گئی ۔ رپورٹ کے مطابق فرنٹئیر کورخیبر پختونخوا (سائوتھ )(اور سلیمان خیل قبیلے کے عمائدین کے درمیان جرگے کا انعقاد کیا گیا۔جرگے میں عمائدین نے علاقے میں انٹرنیٹ کی فراہمی، روڈ کی مرمت، میڈیکل کلینک کے قیام اور واٹر سپلائی سکیم کے مطالبات پیش کیے۔فرنٹیئر کور خیبر پختونخوا (سائو تھ ) نے تمام مطالبات پر عملدرآمد کیلئے بھرپور معاونت فراہم کی جبکہ علاقے میں واٹر سپلائی سکیم کو کامیابی کے ساتھ مکمل کر لیا گیا ۔زرمیلان اور خانکوٹ کے دور افتادہ اور پسماندہ علاقوں کیلئے سڑک کی مرمت کا کام مکمل کر دیا گیا ہے جبکہ خانکوٹ میں طبی مرکز(میڈیکل کلینک) کی تعمیر بھی مکمل کر لی گئی ہے۔کلینک میں ادویات، ابتدائی طبی امداد اور علاج معالجے کی بنیادی سہولیات فراہم کی جا رہی ہیں۔عوام کا کہنا ہے کہ ان اقدام سے فورسز اور عوام کے درمیان اعتماد اور تعلق مزید مضبوط ہوگا۔فرنٹیئر کور خیبرپختونخوا(سائوتھ) عوامی فلاح و ترقی کے منصوبوں کو کامیابی سے جاری رکھے ہوئے ہے۔

کریڈٹ: انڈیپنڈنٹ نیوز پاکستان-آئی این پی