چیئرمین پی ٹی آئی بیرسٹر گوہر نے کہا ہے وزیر اعلی کا استعفی منظور کرنے کی مدت کے حوالے سے آئین میں کوئی شق موجود نہیں۔ گورنر سے مطالبہ ہے وزیر اعلی کا استعفی فوری منظور کریں۔ ایک انٹرویو یمں بیرسٹر گوہر نے کہا کہ گورنر یا وفاقی حکومت کو رکاوٹ نہیں ڈالنی چائیے، ماضی میں سندھ اور پنجاب کے وزرائے اعلی کی بھی ان ہائوس تبدیلی ہوچکی۔ یہ جمہوری عمل ہے، جسے مکمل ہونا چائیے۔ ہمارے ارکان اسمبلی متحد ہیں کوئی ان سے رابطہ نہیں کرے گا۔دوسری جانب رنر خیبرپختونخوا فیصل کریم کنڈی کا کہنا ہے کہ علی امین گنڈاپور کا استعفی باضابطہ طور پر موصول نہیں ہوا۔ استعفی آیا تو منظور کرنے میں وقت نہیں لگانگا۔گورنرخیبرپختونخوا فیصل کریم کنڈی کا کہنا تھا کہ سرکاری طور پر بھیجی جانے والی چیزیں گیٹ پر نہیں چھوڑی جاتیں۔ میرے لئے آنے والی ڈاک سیکرٹری، سی ایس او یا ایم ایس وصول کرتے ہیں ۔ ان میں سے کسی نے استعفی وصول نہیں کیا۔ استعفی آیا تو منظور کرنے میں وقت نہیں لگائوں گا۔

کریڈٹ: انڈیپنڈنٹ نیوز پاکستان-آئی این پی