نیشنل سائبر کرائم انویسٹی گیشن ایجنسی((ین سی سی آئی اے) نے صارفین کو واٹس ایپ ہیک ہوجانے کی صورت ایمرجنسی پروٹوکول سے آگاہ کیا ہے ۔این سی سی آئی اے حکام کے مطابق اگر آپ کا واٹس ایپ ہیک ہو جائے اور آپ اپنے اکائر نٹ تک رسائی کھو دیں یا پھر آپ کو شک ہو کہ کوئی اور اسے استعمال کررہا ہے تو فورا دوبارہ رجسٹر (Re-Register) کریں ، واٹس ایپ کو ان انسٹال کرکے دوبارہ انسٹال کریں۔واٹس ایپ لاگ ان کرنے کے لیے اپنا فون نمبر درج کریں، آپ کو ایس ایم ایس کے ذریعے 6 ہندسوں کا کوڈ موصول ہوگا، اسے فورا درج کریں۔حکام کے مطابق کوڈ کا فائدہ یہ ہوگا کہ کوڈ درج کرتے ہی ہیکر کے موبائل سے آپ کا واٹس ایپ فورا لاگ آئو ٹ ہو جائے گا کیونکہ واٹس ایپ ایک وقت میں صرف ایک موبائل پر ایکٹیو رہ سکتا ہے۔

حکام کے مطابق اگر ہیکر نے "Two-Step Verification" آن کر دی ہے اور آپ کو PIN نہیں معلوم تو واٹس ایپ آپ کو 7 دن انتظار کرنے کا کہہ سکتا ہے، ان 7 روز کے انتظار سے بالکل پریشان نہ ہوں۔ جب تک آپ نے ایس ایم ایس کوڈ(اسٹیپ) 1 درج کردیا ہے، ہیکر لاگ آئو ٹ ہو چکا ہے، اس انتظار کے دوران کوئی بھی آپ کا اکاونٹ استعمال نہیں کر سکتا اور نہ ہی پیغامات پڑھ سکتا ہے۔حکام کے مطابق اگر آپ نے پہلے ای میل ایڈریس لنک کیا ہوا تھا، تو "Forgot PIN" پر کلک کریں اور انتظار کیے بغیر فورا اپنا PIN ری سیٹ کریں۔

کریڈٹ: انڈیپنڈنٹ نیوز پاکستان-آئی این پی