خیبرپختونخوا کے ضلع نوشہرہ کے علاقہ میاں عیسی کے مقام پر دوگرپوں کے درمیان فائرنگ کے نتیجے میں 7 افراد جاں بحق اور تین شدید زخمی ہوگئے۔پولیس حکام کے مطابق میاں عیسی اور جلبئی کے دوگرپوں کے درمیان اراضی کے تنازعہ پر فائرنگ ہوئی۔ اکوڑہ خٹک اور چھوٹا لاہور سے پولیس کی بھاری نفری موقع پر پہنچ گئی، زخمیوں کو اسپتال منتقل کر دیا گیا۔ڈی ایس پی اکوڑہ کے مطابق تین اجرتی قاتلوں نے میاں عیسی میں فائرنگ کرکے 4 افراد کو قتل کیا جس پر گائوں کے لوگوں نے اجرتی قاتلوں کا پیچھا کرکے فائرنگ کی جس سے 3 اجرتی قاتل مارے گئے اور 3 زخمی ہوگئے۔پولیس کے مطابق فائرنگ درختوں کی کٹائی کے تنازع پر ہوئی، تاہم واقعے کی مزید تحقیقات جاری ہیں۔

کریڈٹ: انڈیپنڈنٹ نیوز پاکستان-آئی این پی