پاکستان پیپلزپارٹی کے رہنما نبیل گبول نے سیلاب متاثرین کی مدد کرنے پر وزیراعلی مریم نواز کی تعریف کی ہے۔ رہنما پیپلزپارٹی نے ایکس (سابقہ ٹوئٹر)پر پیغام میں سیلاب متاثرین کی بھر پور مدد پر مریم نواز سے اظہار تشکر کیا، انہوں نے کہا کہ سیلاب متاثرین کو بروقت امداد پہنچانے کی کاوشیں قابل تعریف ہیں، آپ کی کارکردگی سے بہت متاثر ہوا ہوں، میری درخواست پر آپ نے علی پور کی 3 یونین کونسلوں میں گبول قبیلے کی بھرپور مدد کی۔نبیل گبول نے مزید کہا کہ آپ نے سینئر صوبائی وزیر مریم اورنگزیب کو بھی علی پور بھیجا، مریم اورنگزیب مقامی لوگوں سے ملیں اور ان کی بھرپور مدد کی۔

کریڈٹ: انڈیپنڈنٹ نیوز پاکستان-آئی این پی