وفاقی وزیرداخلہ محسن نقوی نے ہفتہ کی علی الصبح ٹی چوک فلائی اوور منصوبے کا دورہ کیا اور میگا پراجیکٹ پر تعمیراتی کاموں کی پیش رفت کا جائزہ لیا۔ اس موقع پر وزیرداخلہ کومنصوبے پر جاری ترقیاتی کام پر تفصیلی بریفنگ میں بتایا گیا کہ پائلز کیپ اور گرڈرز کاسٹنگ کا 100 فیصد کام مکمل ہوگیا ۔ پراجیکٹ کی حفاظتی دیواروں کا 60 فیصد کام مکمل ہو چکا ،وزیر داخلہ محسن نقوی نے پراجیکٹ کے ترقیاتی کاموں کی پیش رفت پر اظہار اطمینان کیا۔ وزیر داخلہ نے مستقبل میں جی ٹی روڈ کی توسیع کو مدنظر رکھتے ہوئے منصوبے کی تکمیل کی جامع پلاننگ کی ہدایت کی ۔ وزیر داخلہ محسن نقوی نے کہا کہعوامی سہولت اور خدمت ہمارا سب سے بڑا مقصد ہے، منصوبے کو بروقت اور اعلی معیار کے ساتھ مکمل کیا جائے، ترقیاتی منصوبوں میں معیار پر کوئی سمجھوتہ نہیں کیا جائے گا۔ وزیر داخلہ نے منصوبے کے اردگرد دیدہ زیب لینڈ سکیپنگ اور ہارٹیکلچر کی ہدایت کی ۔ انہوں نے کہ کہا کہ ٹی چوک فلائی اوور منصوبے سے جی ٹی روڈ سے آنے والے مسافروں کو دارلحکومت تک سگنل فری رسائی ملے گی ۔ آئی جی اسلام آباد پولیس، ڈی سی اسلام آباد، ممبران سی ڈی اے اور دیگر حکام بھی اس موقع پر موجود تھے۔

کریڈٹ: انڈیپنڈنٹ نیوز پاکستان-آئی این پی