بلوچستان کے ضلع لسبیلہ کی تحصیل اوتھل میں زیرو پوائنٹ کے قریب مسافر کوچ اور ٹرک میں ٹکر کے باعث 6 افراد جاں بحق اور 17زخمی ہوگئے۔ایس ایس پی لسبیلہ کے مطابق مسافر کوچ پنجگور سے کراچی جارہی تھی، زخمیوں میں بچے اور خواتین بھی شامل ہیں ۔حادثے کی اطلاع پر پولیس کی بھاری نفری اور ریسکیو ٹیمیں بھی موقع پر پہنچ گئیں۔تمام لاشیں اور زخمیوں کو قریبی اسپتال منتقل کیا گیا ۔ زخمیوں میں زیادہ تر کی حالت تشویشناک بتائی گئی ہے، ہلاکتوں میں اضافے کا خدشہ بڑھ گیا۔پولیس کے مطابق حادثے کے بعد قومی شاہراہ پر ٹریفک کی روانی متاثر ہوگئی جبکہ امدادی کارروائیاں جاری ہیں۔ پولیس نے حادثے کی تحقیقات شروع کر دی۔

کریڈٹ: انڈیپنڈنٹ نیوز پاکستان-آئی این پی