لاہور کی سیشن کورٹ میں مسجد کے قاری عثمان کو قتل کرنے کے کیس،ایڈیشنل سیشن جج نے تحریری فیصلہ جاری کرتے ہوئے مجرم غلام محمد کو سزائے موت کا حکم سنا دیا۔ایڈیشنل سیشن جج ریاض احمد نے مجرم کو سزا اوردس لاکھ ر وپے جرمانے کی سزا سنائی،مجرم کے خلاف ہڈیارہ پولیس نے 2020 میں قتل کا مقدمہ درج کیا،تحریری فیصلے کے مطابق مجرم کے خلاف سرکاری وکیل حبیب الرحمان بھٹی نے گواہوں کو پیش کیا۔پراسکیوشن نے بتایا کہ قاری عثمان مغرب کی اذان کے لئے گھر سے نکلا تومجرم نے دروازے پرفائرنگ کرکے قتل کردیا،گواہ نے بتایا مجرم نے لین دین کے تنازع پرمقتول کوقتل کیا،پراسکیوشن اپنا کیس ثابت کرنے میں کامیاب رہی،ثبوتوں کی روشنی میں مجرم سزا کا حق دار ہے۔ عدالت نے لکھا مجرم نے اپنی صفائی میں فرضی سٹوری بیان کی جبکہ ٹھوس ثبوتوں کی روشنی میں مجرم کو سزائے موت اور جرمانے کا حکم دیا جاتا ہے۔

کریڈٹ: انڈیپنڈنٹ نیوز پاکستان-آئی این پی