لاہور کے علاقے ہربنس پورہ میں خاندانی تنازع اور تلخ کلامی کے دوران ایک شخص نے اپنی سگی والدہ سمیت دو خواتین کو لوہے راڈ سے تشدد کرکے موت کے گھاٹ اتار دیا۔پولیس کا کے مطابق 70 برس کی سلطانہ کا ہمسائی کنیز فاطمہ سے معمولی بات پر جھگڑا ہوا تھا جس پر ملزم اور نگریب نے دونوں پر تشدد کیا اور دونوں جان سے ہاتھ دھو بیٹھیں۔ پولیس کے مطابق حملے میں ہمسایہ خاتون کی دو بیٹیاں بھی زخمی ہوئیں ۔واقعے کی اطلاع ملتے ہی پولیس کی نفری فوری طور پر موقع پر پہنچ گئی اور ملزم کو موقع سے حراست میں لے کر تھانے منتقل کر دیا گیا ہے۔پولیس نے دونوں مقتولات کی لاشیں پوسٹ مارٹم کیلئے قریبی اسپتال منتقل کر دی ہیں، جبکہ واقعے کے محرکات جاننے کیلئے مزید تفتیش کا آغاز کر دیا گیا ہے۔

کریڈٹ: انڈیپنڈنٹ نیوز پاکستان-آئی این پی