لاہور میں گیس سلنڈر پھٹنے سے زور دار دھماکا ہوا جس میں عمارت زمین بوس ہوگئی جس کے نتیجے میں خاتون سمیت تین افراد جان بحق ہوگئے۔ریسکیو ذرائع کے مطابق لاہور کے علاقے ہربنس پورہ نادر مارکیٹ کے قریب دھماکے کے باعث عمارت منہدم ہونے سے ایک خاتون سمیت 3 افراد جاں بحق ہوگئے، جبکہ 7 زخمیوں کو ملبے سے نکال کر ہسپتال منتقل کر دیا گیا ۔دھماکے کے بعد علاقے میں خوف و ہراس پھیل گیا، پولیس اور ریسکیو حکام نے واقعے کی وجوہات جاننے کیلئے تحقیقات شروع کر دیں۔

کریڈٹ: انڈیپنڈنٹ نیوز پاکستان-آئی این پی