لاہور کے علاقے مناواں اعوان ڈھائے والا میں دیرینہ دشمنی پر دو فریقین کے درمیان فائرنگ کے نتیجے میں 28 سالہ نوجوان جاں بحق جبکہ تین راہ گیر زخمی ہو گئے۔واقعہ کی اطلاع ملتے ہی ایس پی کینٹ قاضی علی رضا بھاری نفری کے ہمراہ موقع پر پہنچے اور علاقے کو گھیرے میں لے کر حالات کا جائزہ لیا۔جاں بحق ہونے والے شخص کی شناخت فیاض کے طور پر ہوئی ہے جبکہزخمیوں میں لیاقت، وقاص اور ایک نامعلوم شخص شامل ہیں، جنہیں فوری طبی امداد کے لئے قریبی اسپتال منتقل کر دیا گیا ہے، جہاں ان کا علاج جاری ہے۔پولیس نے جاں بحق ہونے والے فیاض کی لاش کو تحویل میں لے کر پوسٹ مارٹم کیلئے ڈیڈ ہائوس منتقل کر دیا ۔ابتدائی تحقیقات کے مطابق واقعہ دیرینہ دشمنی کا شاخسانہ معلوم ہوتا ہے تاہم پولیس مختلف پہلوئو ں سے تفتیش کر رہی ہے۔ایس پی کینٹ قاضی علی رضا کا کہنا ہے کہ فائرنگ میں ملوث ملزمان کی گرفتاری کے لیے خصوصی ٹیمیں تشکیل دے دی گئی ہیں جو مختلف مقامات پر چھاپے مار رہی ہیں۔انہوں نے یقین دلایا کہ ملزمان جلد قانون کی گرفت میں ہوں گے اور واقعہ میں ملوث عناصر کے خلاف سخت قانونی کارروائی عمل میں لائی جائے گی۔

کریڈٹ: انڈیپنڈنٹ نیوز پاکستان-آئی این پی