لاہور ہائیکورٹ کیلئے نامزد 10 ایڈیشنل ججز کی حلف برداری کی تقریب کل (پیر کو) ہوگی۔اس حوالے سے تیاریاں مکمل کر لی گئی ہیں، ذرائع کے مطابق صدرِ مملکت کی منظوری اور وزارتِ قانون کی جانب سے نوٹیفکیشن جاری ہونے کے بعد حلف برداری کی تقریب کل لاہور ہائیکورٹ کے ججز لان میں منعقد ہوگی۔ ذرائع کے مطابق چیف جسٹس لاہور ہائیکورٹ عالیہ نیلم نئے تعینات ایڈیشنل ججز سے حلف لیں گی، تقریب میں لاہور ہائیکورٹ کے ججز، لا افسران، بار عہدیداران اور حلف اٹھانے والے ججز کے اہلِ خانہ بھی شریک ہوں گے۔حلف اٹھانے والوں میں نامزد ایڈیشنل جج غلام سرور نہنگ، محمد اجمل خان زاہد، امیر عجم ملک، شیریں عمران، اسد علی باجوہ، محمد امجد پرویز، خالد بن عزیز، منور اقبال دوگل، سید فرہاد علی شاہ اور عثمان غنی راشد چیمہ شامل ہیں

جو لاہور ہائیکورٹ کے ایڈیشنل ججز کے طور پر حلف اٹھائیں گے۔ ذرائع کے مطابق حلف اٹھانے کے بعد تمام نئے ایڈیشنل ججز اسی روز مقدمات کی سماعت بھی کریں گے، نامزد ایڈیشنل ججز کو ایک سال کے لیے لاہور ہائیکورٹ کا ایڈیشنل جج مقرر کیا گیا ہے۔ نئے ججز کی تعیناتی کے بعد لاہور ہائیکورٹ میں ججز کی مجموعی تعداد 50 ہو جائے گی، جبکہ ہائیکورٹ میں ججز کی خالی آسامیوں کی تعداد کم ہو کر 10 رہ جائے گی۔وفاقی آئینی عدالت میں پٹرولیم مصنوعات کی قیمتوں میں اضافے کے خلاف جماعت اسلامی کی جانب سے دائر آئینی درخواست کو باقاعدہ نمبر الاٹ کر دیا گیا ۔

کریڈٹ: انڈیپنڈنٹ نیوز پاکستان-آئی این پی