کراچی میں سینٹرل جیل سے رہائی پانے والے شخص کو کچھ دیر بعد ہی قتل کردیا گیا۔پولیس کے مطابق مقتول کی شناخت امیر بخش کے نام سے ہوئی جسے سینٹرل جیل سے رہائی کے بعد جیل کے قریب ہی فائرنگ اور چھری کے وار کرکے قتل کیا گیا۔پولیس کا کہناہے کہ مقتول کا آبائی تعلق لاڑکانہ سے تھا جس نے پسند کی شادی کی تھی، امیربخش کی جیل سے رہائی کا مخالفین کو علم تھا اور وہ گھات لگائے بیٹھے تھے، امیر بخش جیسے ہی جیل سے باہرآیا تو چند قدم کے فاصلے پر اسے چھری کے وار سے قتل کردیا گیا۔دوسری جانب گڈاپ میں بنگلے سے نوجوان کی پھندالگی لاش برآمد ہوئی ہے جس کی فوری شناخت نہیں ہوسکی۔پولیس کا کہنا ہے کہ معاملہ قتل ہے یا خودکشی، اس حوالے سے تحقیقات جاری ہیں،لاش کے حوالے سے مزید حقائق سامنے آنے پر کارروائی ہوگی۔

کریڈٹ: انڈیپنڈنٹ نیوز پاکستان-آئی این پی