کراچی ڈسٹرکٹ ایسٹ پولیس کی خفیہ اطلاع پر بڑی کارروائی میں پولیس نے گھریلو ملازمائوں کا منظم گینگ گرفتار کرلیا۔رپورٹ کے مطابق معروف صنعتکار کے گھر 9 سال سے کام کرنے والی 5 ماسیاں چوری میں ملوث نکلیں، گینگ سرغنہ عروج نے لوکر کی چابی چرا کر 3 ہزار میں ڈپلیکیٹ بنوائی۔ ملازماں سے لاکھوں روپے نقدی رقم اور موبائل فونز برآمد ہوئے۔چوری کی رقم سے گھر، گاڑی، موٹر سائیکل اور دیگر قیمتی اشیا خریدنے کا انکشاف ہوا جبکہ گرفتار ملازمائوں کی شناخت عروج، سویرا، نائلہ، ثنا اور علشبہ کے ناموں سے ہوئی، ملازماں کا تعلق وہاڑی، اوکاڑا، فیصل آباد، رحیم یار خان اور کوٹ ادو سے ہے۔گرفتار ملزما ن سے مزید تفتیش جاری، مزید انکشافات متوقع ہیں۔ عوام سے اپیل ہے کہ گھریلو ملازماں کو رکھنے سے قبل ان کا شناختی کارڈ، کوائف اور پولیس ویریفکیشن لازمی کروائیں۔

کریڈٹ: انڈیپنڈنٹ نیوز پاکستان-آئی این پی