کراچی کے علاقے کورنگی نمبر 4، کلو چوک نزد اللہ راضی نلی بریانی کے قریب پولیس اور ملزمان کے درمیان مبینہ مقابلے کے دوران ایک ڈاکو ہلاک ہو گیا جبکہ اس کا ساتھی فرار ہو گیا، جس کی تلاش جاری ہے۔پولیس کے مطابق گشت کے دوران ایک موٹر سائیکل پر سوار دو ملزمان شہریوں سے لوٹ مار میں مصروف تھے۔پولیس کو دیکھتے ہی ملزمان نے پولیس پارٹی پر فائرنگ کی، جس کے جواب میں پولیس نے جوابی کارروائی کی۔ہلاک ملزم کی شناخت شہریار احمد ولد شبیر احمد کے نام سے ہوئی ہے۔اس کے قبضے سے 1 عدد 30 بور پسٹل بمعہ رائونڈز، 9500 روپے نقدی، 3 موبائل فونز اور 3 عدد والیٹس برآمد کر لیے گئے ہیں۔

پولیس ہلاک ملزم کا کرمنل ریکارڈ بھی چیک کر رہی ہے۔ترجمان ایس ایس پی کورنگی نے بتایا کہ یہ کارروائی شہر میں جرائم پیشہ عناصر کے خلاف کریک ڈان کا حصہ ہے اور فرار ملزم کی جلد گرفتاری کے لیے گشت اور چھاپے جاری ہیں۔ دوسری جاب اورنگی سیکٹر 13B میں پولیس اور ملزمان کے درمیان دوطرفہ فائرنگ کے نتیجے میں ایک ملزم زخمی جبکہ دو دیگر گرفتار ہو گئے، اور ایک ساتھی فرار ہو گیا جس کی تلاش جاری ہے۔گرفتار ملزمان کی شناخت نعمان اور عقیل کے ناموں سے ہوئی ہے۔پولیس کے مطابق ملزمان کے قبضے سے اسلحہ، موبائل فونز، نقد رقم اور موٹر سائیکل برآمد کر لیے گئے ہیں۔

کریڈٹ: انڈیپنڈنٹ نیوز پاکستان-آئی این پی