کراچی میں جرائم پیشہ عناصر کے خلاف پولیس کی کارروائیاں کے دوران گلبرگ اور شریف آباد کے علاقوں میں پولیس نے دو علیحدہ مبینہ مقابلوں کے بعد دو زخمی ڈاکوئوں کو گرفتار کر لیا، جبکہ ان کے قبضے سے اسلحہ، موٹرسائیکل، موبائل فونز اور نقدی برآمد کی گئی۔تفصیل کے مطابق گلبرگ پولیس نے لنڈی کوتل چورنگی کے قریب مبینہ مقابلے کے بعد ایک ڈاکو کو زخمی حالت میں گرفتار کر لیا۔چھیپا حکام کے مطابق زخمی ملزم کو فوری طور پر عباسی شہید اسپتال منتقل کیا گیا، جہاں اس کی شناخت صالح محمد کے نام سے ہوئی ہے۔پولیس نے ملزم کے قبضے سے ایک پستول، دو موبائل فون، نقدی اور موٹرسائیکل برآمد کی ہے۔دوسری جانب شریف آباد پولیس نے سراج الدولہ کالج ریلوے پھاٹک کے قریب کارروائی کرتے ہوئے 28 سالہ نادر علی لاشاری نامی ملزم کو زخمی حالت میں حراست میں لے لیا۔زخمی ڈاکو کو عباسی شہید اسپتال منتقل کیا گیا، جبکہ اس کے دو ساتھی فرار ہونے میں کامیاب ہو گئے۔ پولیس نے گرفتار ملزم سے اسلحہ، موٹرسائیکل اور دیگر مسروقہ سامان برآمد کیا ہے۔

کریڈٹ: انڈیپنڈنٹ نیوز پاکستان-آئی این پی