کراچی میں سپر ہائی وے کے قریب جمالی گوٹھ میں فائرنگ کے نتیجے میں ایک شخص جاں بحق جبکہ اسکا بیٹا زخمی ہو گیا ۔تفصیل کے مطابق جائے وقوعہ پر فائرنگ سے جاں بحق اور زخمی کو عباسی شہید اسپتال منتقل کردیا گیا ۔واقعہ سپر ہائی وے جمالی گوٹھ میں نیو غریب آباد قلندری ہوٹل کے قریب پیش آیا۔ چھیپا ذرائع کے مطابق جاں بحق شخص کی شناخت جلات خان ولد محمد شاہ عمر 55 سال جبکہ زخمی کی شناخت 22 سالہ عزت خان ولد جلات خان عمر کے نام سے ہوئی ہے۔پولیس کے مطابق ابتدائی تفتیش میں جاں بحق اور زخمی باپ بیٹا بتائے جارہے ہیں۔ جائے وقوعہ پر ایک شخص تشدد سے زخمی بھی ہوا جسکو طبی امداد فراہم کرنے کیلئے اسپتال منتقل کردیا گیا ہے۔پولیس کے مطابق فائرنگ کے واقعے کی وجوہات معلوم کرنے کیلئے تحقیقات شروع کر دی گئی ہیں۔ فائرنگ سے زخمی شخص کے ابتدائی بیان کے مطابق واقعہ ڈکیتی کے دوران مزاحمت پر پیش آیا ہے۔

کریڈٹ: انڈیپنڈنٹ نیوز پاکستان-آئی این پی