کور کمانڈر بلوچستان نے یونیورسٹی آف بلوچستان کے طلبا اور اساتذہ کے ساتھ خصوصی نشست کی جس میں صوبے کی ترقی، امن و امان کی صورتحال اور نوجوانوں کے مثبت کردار پر تفصیلی گفتگو بھی کی گئی۔کور کمانڈر سے ملاقات کے دوران طلبا نے مختلف موضوعات پر سوالات کیے جن کے جامع اور مدلل جوابات دیے گئے، نوجوانوں کو مثبت سوچ کے ساتھ ملکی ترقی میں فعال کردار ادا کرنے کی ترغیب دی اور تعلیم کو قومی ترقی کی اصل بنیاد قرار دیتے ہوئے محنت و نظم و ضبط اپنانے کی ہدایت کی۔نشست میں اس بات پر زور دیا گیا کہ بلوچستان کے نوجوان بے پناہ صلاحیتوں کے حامل ہیں اور انہیں ملکی ترقی میں مثر کردار ادا کرنے کیلئے ہر ممکن مواقع فراہم کیے جا رہے ہیں، طلبا نے اس ملاقات کو نہایت مفید قرار دیتے ہوئے پاک فوج کے اقدامات کو سراہا۔طلبا کا کہنا تھا کہ اس طرح کی نشستیں اعتماد، ہم آہنگی اور اداروں کے ساتھ مضبوط رابطے کو فروغ دیتی ہیں، کور کمانڈر کی گفتگو نے نوجوانوں کے حوصلے بلند کیے اور مستقبل کیلئے ان کی مثبت سوچ کو مزید مستحکم کیا۔انہوں نے مزید کہا ہے کہ ایسی نشستیں بلوچستان کی ترقی اور نوجوان نسل کے ساتھ مسلسل رابطے کے عزم کی عکاس ہیں۔

کریڈٹ: انڈیپنڈنٹ نیوز پاکستان-آئی این پی