بلوچ ٹریننگ وِنگ کوئٹہ میں سولجرز کے بنیادی فوجی تربیتی کورس کے اکیسویں بیج کی شاندار اور پروقار پاسنگ آئو ٹ پریڈ کا انعقاد کیا گیا۔پاسنگ آئوٹ پریڈ میں کمانڈنٹ بلوچ رجمنٹ سینٹر نے بطور مہمانِ خصوصی شرکت کی، پریڈ کے اختتام پر مہمانِ خصوصی نے پاس آئوٹ ہونے والے جوانوں اور ان کے اہلِ خانہ کومبارکباد دیتے ہوئے ان کے جذبے، محنت اور عزم کو سراہا، تقریب میں بلوچستان کے مختلف اضلاع سے تعلق رکھنے والے 170 جوانوں نے چھ ماہ کی سخت اور جامع فوجی تربیت کامیابی سے مکمل کر کے پاکستان فوج میں باقاعدہ شمولیت اختیار کی۔تقریب کے دوران تربیتی کورس میں نمایاں کارکردگی دکھانے والے جوانوں کو اعزازی شیلڈز اور انعامات سے بھی نوازا گیا

اس موقع پر پاس آئو ٹ ہونے والے جوانوں نے اپنے جذبات کا اظہار کرتے ہوئے کہا کہ تربیت کے دوران پیش آنے والے مختلف چیلنجز نے انہیں نہ صرف جسمانی بلکہ ذہنی طور پر بھی مضبوط بنایا۔پاس آئو ٹ جوانوں کا کہنا تھا کہ چھ ماہ کی تربیت کے دوران انہیں ہر طرح کی جسمانی اور ذہنی مشقوں سے گزارا گیا جس نے ان کی شخصیت اور پیشہ ورانہ صلاحیتوں کو نکھارا، وہ پاک فوج میں بھرتی ہو کر ملک کے دفاع میں اپنا کردار ادا کریں۔تقریب کا اختتام قومی ترانے اور ملک و قوم کی بہتری کیلئے دعا کے ساتھ ہوا جبکہ شرکا نے پاسنگ آئو ٹ پریڈ کو نظم و ضبط، جوش و ولولے اور قومی جذبے کی بہترین مثال قرار دیا۔

کریڈٹ: انڈیپنڈنٹ نیوز پاکستان-آئی این پی