نیشنل سائبر کرائم انویسٹی گیشن ایجنسی نے صارفین کیلئے نئے سال کی پہلی ایڈوائزری جاری کرتے ہوئے کہا ہے سنہری اصول یاد رکھیں،کلک کرنے سے پہلے سوچیں ضرور، یہی احتیاط آپ کو بڑے نقصان سے بچا سکتی ہے۔این سی سی آئی اے کی جاری ایڈوائزری کے مطابق پڑھے لکھے لوگ بھی سائبر کرائم کا بہت آسانی سے شکار ہوجاتے ہیں، ہیکرز اب صرف تکنیکی راستوں کا استعمال نہیں کرتے بلکہ جذبات، لالچ یا خوف کا فائدہ اٹھاکر ذاتی معلومات حاصل کرلیتے ہیں۔سب سے پہلا اصول یہ بنائیں کہ اپنے پاسورڈز مضبوط رکھیں، پاسورڈز کیلئے اپنا نام یا سادہ اعداد ہرگز استعمال نہ کریں۔ اپنے تمام اکائو نٹس پر ٹوفیکٹر تصدیق یعنی ٹو ایف اے ضرورآن کریں۔ یہ آپ کے ڈیجیٹل گھر پر اضافی اور مضبوط تالالگانے کے مترادف ہے۔ایڈوائزری میں کہا گیا ہے کسی بھی انجان لنک پرکلک نہ کریں،نہ ہی فون پرکسی کو اپنا اوٹی پی بتائیں، اگر کوئی میسج آپ کوغیر معمولی انعام کا لالچ دے تویقینا فراڈ ہے۔

کریڈٹ: انڈیپنڈنٹ نیوز پاکستان-آئی این پی