لاہورکی مقامی عدالت نے یوٹیوبرڈکی بھائی کی اہلیہ سے رشوت لینے والے این سی سی آئی اے کے چھ افسران کا جسمانی ریمانڈ منظور کرلیاگیا۔جوڈیشل مجسٹریٹ نعیم وٹو نے تین صفحات پرمشتمل تحریری حکم جاری کیا،فیصلے میں کہاگیا ہے کہ درخواست گزار نے ایف آئی اے کودرخواست کی کہ تفتیشی شعیب ریاض اورسرفراز چوہدری نے ریلیف کے نام پر رشوت مانگی۔ درخواست گزار نے افسران کودی گئی تمام رقم سے متعلق تفصیلات بتائیں،اس میں کوئی شک نہیں کہ درخواست میں کرنسی نوٹ کی نوعیت،وقت اور تاریخ درج نہیں،عروب جتوئی نے یوٹیوبر کے بھائی ضیائالرحمان کو بطورگواہ پیش کیا،تفتیشی نے دونوں سے تمام تفصیلات،چیکس کی تصاویرقبضے میں لیں۔ عروب جتوئی نے بیان دیا کہ یہ افسران این سی سی آئی ایکے اعلی عہدیداروں کوماہانہ بھی دیتے ہیں، فیصلے میں لکھا گیا ہے کہ تفتیشی نے انکوائری میں بتایا کہ یہ نیٹ ورک بڑے پیمانے پرکام کررہا ہے،تفتیشی نے ملزمان سے رقم کی برآمدگی کیلیے جسمانی ریمانڈ کی استدعا کی۔ملزمان کیخلاف پرائیویٹ شکایت کنندہ کی صورت میں میٹریل موجود ہے،تفتیش مکمل کرنے کیلیے ملزمان کا ریمانڈ دیا جانا ضروری ہے،ملزمان کا تین روزہ جسمانی ریمانڈ منظورکیا جاتا ہے۔

کریڈٹ: انڈیپنڈنٹ نیوز پاکستان-آئی این پی