اسلام آباد ہائیکورٹ نے وفاق اور وزارت خزانہ، کنٹرولر جنرل اکائونٹس اور اکائونئٹنٹ جنرل پاکستان کو نوٹس جاری کر دئیے۔اسلام آباد ہائی کورٹ نے خصوصی عدالتوں، ٹربیونلز اور لا افسران کے جوڈیشل الائونسز کی ادائیگی روکنے کے احکامات معطل کرتے ہوئے وفاق اور وزارت خزانہ، کنٹرولر جنرل اکائونٹس اور اکائونٹنٹ جنرل پاکستان کو نوٹس جاری کرتے ہوئے دو ہفتوں میں جواب طلب کرلیا ۔اسلام آباد ہائیکورٹ کے جسٹس ارباب محمد طاہر نے ملازمین کی درخواست پر سماعت کا حکم نامہ جاری کر دیا۔عدالت نے الائونسز روکنے کے اکائونٹنٹ جنرل آفس اور وزارت خزانہ کے احکامات معطل کر دئیے۔

عدالت نے قرار دیا کہ 5 اور 15 ستمبر 2025 کے آرڈرز کے خطوط معطل کیے جاتے ہیں۔اسلام آباد ہائیکورٹ نے وفاق اور وزارت خزانہ، کنٹرولر جنرل اکائونٹس اور اکائونٹنٹ جنرل پاکستان کو نوٹس جاری کرتے ہوئے فریقین سے دو ہفتوں میں پیراوائز کمنٹس جمع کرانے کی ہدایت کر دی۔عدالت نے تحریری حکم نامہ جاری کر دیا جس میں کہا گیا ہے کہ درخواست گزار وکیل کے مطابق وزارت خزانہ اور اکا ئونٹنٹ جنرل آفس نے ملازمین کے الانسز روک دئیے ہیں۔ وکیل کے مطابق لاہور ہائیکورٹ کے ملتان اور بہاولپور بینچز نے احکامات پہلے ہی معطل کر رکھے ہیں۔کیس کی آئندہ سماعت 9 فروری کو ہوگی۔

کریڈٹ: انڈیپنڈنٹ نیوز پاکستان-آئی این پی