خیبرپختونخوا میں نئی کابینہ کی تشکیل کے سلسلے میں اہم مشاورتوں کا سلسلہ جاری ہے، وزیر اعلی خیبرپختونخوا سہیل آفریدی پر سابق وزرا کو دوبارہ کابینہ میں شامل کرنے کے لئے دبائو کا سامنا ہے۔میڈیارپورٹ کے مطابق پارٹی ذرائع کا کہنا ہے کہ پختون یار اور سجاد بارکوال کو کابینہ میں شامل کرنے کے لئے سہیل آفریدی کے ساتھ مسلسل رابطے کئے جا رہے ہیں جبکہ کے پی ہائو س اسلام آباد میں رات گئے تک پارٹی کے اہم رہنمائو ں نے سہیل آفریدی سے تفصیلی ملاقاتیں بھی کیں۔مرکزی سیکرٹری جنرل سلمان اکرم راجہ کی بھی سہیل آفریدی سے کابینہ کی تشکیل سے متعلق تین ملاقاتیں ہو چکی ہیں، پارٹی کے بعض حلقے تیمور سلیم جھگڑا کو وزارتِ صحت کے بجائے مشیر خزانہ بنانے کی کوششوں میں مصروف ہیں۔ادھر پارٹی کے صوبائی صدر جنید اکبر سمیت کئی رہنماں نے بیرسٹر سیف کو کابینہ میں شامل کرنے پر اعتراض اٹھایا ہے، پارٹی کے سینئر حلقوں نے سہیل آفریدی کو تجویز دی ہے کہ کابینہ کی تشکیل کے عمل میں سینئر رہنماں کو اعتماد میں لیا جائے تاکہ تنظیمی ہم آہنگی برقرار رہے۔

کریڈٹ: انڈیپنڈنٹ نیوز پاکستان-آئی این پی