پولیس کی بلٹ پروف گاڑیوں پر وفاق اور خیبرپختونخوا کے تنازع میں بلوچستان حکومت کود پڑی۔وزیراعلی بلوچستان نے کہا ہے کہ خیبرپختونخوا کی طرح بلوچستان بھی دہشتگردی سے متاثر ہے ، وزیر داخلہ محسن نقوی سے درخواست ہے کہ کے پی حکومت بلٹ پروف گاڑیاں نہیں لیرہی تو ہمیں دیدیں۔ اپنے ایک بیان میں وزیراعلی نے کہا کہ بلوچستان کو دہشتگردی کے خلاف مثر اقدامات کے لیے اضافی حفاظتی سامان درکار ہے۔ واضح رہے کہ وفاقی وزارت داخلہ نے کے پی پولیس کے لیے بلٹ پروف گاڑیاں آئی جی کے پی کے حوالے کی تھیں مگر وزیراعلی خیبرپختونخوا سہیل آفریدی نے وفاق کی جانب سے پولیس کو دی گئیں بلٹ پروف گاڑیاں واپس کرنیکی ہدایت کی ہے۔وزیراعلی نے الزام عائد کیا ہے کہ وفاق نے خیبرپختونخوا کو ناقص گاڑیاں دی ہیں۔

کریڈٹ: انڈیپنڈنٹ نیوز پاکستان-آئی این پی