کچے کے مختلف علاقوں میں کارروائیوں کے دوران 44 خطرناک ڈاکوئوں نے ہتھیار ڈال کر خود کو سرنڈر کر دیا ۔پولیس کے مطابق سرنڈر کرنے والے ڈاکو اغوا برائے تاوان، ڈکیتی اور پولیس پر حملوں سمیت متعدد سنگین مقدمات میں مطلوب تھے جبکہ 40 سے زائد ڈاکوئوں کے سہولت کاروں کو بھی گرفتار کر لیا گیا ہے۔ڈی پی او کے مطابق کچے کے علاقوں میں ڈرون کارروائیاں مسلسل جاری ہیں، آپریشن کے دوران تھرمل کیمروں، ڈرون سرویلنس، لانگ رینج اسلحہ اور بکتر بند گاڑیوں کا استعمال کیا جا رہا ہے۔پولیس نے بتایا کہ کچے ماچھکہ میں کوش گینگ، سکھانی گینگ اور لونڈ گینگ جبکہ رونتی کے علاقے میں شر گینگ اور اندھڑ گینگ کے خلاف آپریشن جاری ہے، سرنڈر ہونے والے ملزمان کو سنگین نوعیت کے مقدمات کیلئے عدالت سے رجوع کرنا پڑے گا۔پولیس حکام کا کہنا ہے کہ ڈاکوئوں کے مکمل خاتمے اور کچے کے علاقے میں پائیدار امن کے قیام تک یہ آپریشن بلا تعطل جاری رہے گا۔

کریڈٹ: انڈیپنڈنٹ نیوز پاکستان-آئی این پی