جڑواں شہروں میں چلنے والی میٹرو بس سروس جزوی بحال جبکہ لاہور میں مکمل بحال کردی گئی۔تفصیل کے مطابق پہلے فیز میں سروس صدر راولپنڈی سے کشمیر ہائی وے تک بحال کی گئی،فیض احمد فیض سے پاک سیکریٹریٹ تک میٹروبس بدستور بند ہے۔مذہبی جماعت کے احتجاج کے باعث میٹروبس سروس 4روز بند رہی،میٹروبس حکام کا کہنا ہے کہ ضلعی انتظامیہ کی ہدایت پر میٹرو سروس بند کی گئی تھی۔دوسری جانب لاہورمیں اورنج لائن ٹرین اورمیٹروبس سروس مکمل طور پر بحال کردی گئی ہے،اورنج لائن ٹرین پانچ روزبندرہنے کے بعد منگل سے دوبارہ چلا دی گئی،راستوں کی بندش کے باعث سروسزعارضی طور پر معطل کی گئی تھیں۔

کریڈٹ: انڈیپنڈنٹ نیوز پاکستان-آئی این پی