سندھ کے ضلع جامشورو کی تحصیل تھانو بلا خان کی یو سی مول میں ڈائریا پھیل گیا۔ ڈائریا کا مرض پھیلنے سے 9 افراد کی جان چلی گئی۔ محکمہ صحت کے حکام کے مطابق جاں بحق ہونے والے 7 افراد کا تعلق گوٹھ فیض محمد برو سے ہے جبکہ 2 کا تعلق قریبی گائوں سے ہے۔حکام کا کہنا ہے کہ سب سے زیادہ متاثرہ گائوں میں صورتِ حال کنٹرول میں ہے مگر دیگر دیہات سے بھی کیسز سامنے آ رہے ہیں۔ڈی ایچ او جامشورو ڈاکٹر پیر منظور نے بتایا کہ صورتِ حال پر قابو پا لیا گیا ہے۔اسسٹنٹ کمشنر تھانو بلا خان نے کہا کہ علاقہ مکینوں کو ٹینکرز کے ذریعے پانی کی فراہمی عارضی بنیادوں پر کی گئی ہے، اس کا مستقل حل نکالنا ہوگا۔اس حوالے سے علاقہ مکینوں کا کہنا ہے کہ علاقے میں صرف ایک ڈسپنسری ہے جبکہ قریبی سرکاری اسپتال دور ہے جس کی وجہ سے مستقل طور پر طبی سہولتیں میسر نہیں ہوتیں۔

کریڈٹ: انڈیپنڈنٹ نیوز پاکستان-آئی این پی