ڈیرہ اسماعیل خان میں پولیس چیک پوسٹ پر فتنہ الخوارج کے دہشت گردوں کا حملہ ناکام،پولیس نے بروقت و موثرجوابی کارروائی کرتے ہوئے 2 دہشتگرد ہلاک کردئیے ۔پولیس کے مطابق ڈی آئی خان کی درابن روڈ پر فتنہ الخوارج کے دہشتگردوں نے پولیس چیک پوسٹ پرحملہ کیا جس پر پولیس نے بھرپور جواب دیا۔پولیس نے بتایا کہ اہلکاروں کی جوابی فائرنگ سے 2 دہشتگرد ہلاک ہوگئے جب کہ دہشتگردوں کی فائرنگ سے ایک پولیس اہلکار زخمی بھی ہوا۔دوسری جانب بنوں سینٹرل جیل کے گیٹ پر دہشتگردوں کی جانب سے دستی بم حملہ کیا گیا۔پولیس کے مطابق حملے میں کوئی جانی نقصان نہیں ہوا، البتہ دہشت گرد فرار ہوگئے۔

کریڈٹ: انڈیپنڈنٹ نیوز پاکستان-آئی این پی