امیر جماعت اسلامی حافظ نعیم الرحمان نے حکومت سے مطالبہ کیا ہے کہ خصوصی افراد کے حقوق کی فراہمی ہر سطح پر یقینی بنائی جائے۔عالمی یومِ معذوراں کے موقع پر اپنے ایک بیان میں امیر جماعت اسلامی کا کہنا تھا کہ معذور افرادکیلئے ہر ڈویژن میں خصوصی تعلیمی ادارے اور ہسپتال قائم کیے جائیں تاکہ وہ بہتر سہولیات سے فائدہ اٹھا سکیں۔انہوں نے کہا ہے کہ حکومت ملازمتوں میں معذور افراد کیلئے مختص کوٹے پر مکمل اور شفاف انداز میں عملدرآمد کو یقینی بنائے جبکہ عالمی اداروں کے مطابق پاکستان میں تقریبا دو کروڑ افراد کسی نہ کسی معذوری کا شکار ہیں، اسلئے ان ک کیلئے خصوصی اقدامات انتہائی ضروری ہیں۔امیر جماعت اسلامی نے وفاقی اور صوبائی حکومتوں سے مطالبہ کیا کہ خصوصی افراد کو مفت سفری سہولتیں فراہم کی جائیں اور چھوٹے کاروبار کے آغاز کیلئے بلا سود قرضے بھی دیئے جائیں، ساتھ ہی معذور خاندانوں کے بچوں اور بچیوں کے لئے شادی گرانٹ مختص کرنے کی سفارش بھی کی۔

کریڈٹ: انڈیپنڈنٹ نیوز پاکستان-آئی این پی