حکومت نے ادویات کی قیمتوں میں اضافے کا ایک اور سروے کرانے کا فیصلہ کیا ہے۔ذرائع کے مطابق گزشتہ ڈیڑھ سال میں اوپن مارکیٹ میں ادویات کتنی مہنگی ہوئیں،دوسرا سروے کرایا جائے گا، نئے سروے کیلئے وزرات قومی صحت اور ڈریپ 2 ہفتے میں پیشکش دیں گی۔دوسرے سروے میں مزید نئے شہروں سے معلومات اکٹھی کی جائے گی ،وزارت قومی صحت نے 10 اگست کو بھی ادویات کی قیمتوں کا سروے کرایا تھا،ادویات کی قیمتوں کے نئے سروے کا پرانے سروے سے موازنہ ہوگا،دونوں سروے رپورٹس وزیراعظم کو پیش کی جائیں گی۔ذرائع کے مطابق وزیراعظم سروے رپورٹس کی روشنی میں ادویات کی ڈی ریگولیشن بارے فیصلہ کریں گے،پہلے سروے میں ادویات کی قیمتیں 30 سے 40 فیصد بڑھنے کی نشاندہی کی گئی۔

کریڈٹ: انڈیپنڈنٹ نیوز پاکستان-آئی این پی