سندھ کے ضلع گھوٹکی میں کچے کے علاقے رونتی میں پولیس نے شرگینگ کے خلاف آپریشن کرتے ہوئے فائرنگ کے تبادلے میں 12 ڈاکوں کو ہلاک کردیا، کارروائی میں پولیس کا ایک جوان شہید اور 3 زخمی ہوگئے، ڈاکوں کے ساتھ فائرنگ کا تبادلہ جاری ہے۔ تفصیلات کے مطابق پولیس کا کہنا ہے کہ گھوٹکی میں کچے کے علاقے رونتی میں پولیس نے شرگینگ کے خلاف آپریشن کرتے ہوئے فائرنگ کے تبادلے میں 12 ڈاکوں کو ہلاک کردیا۔پولیس کے مطابق گزشتہ روز شر گینگ نے حملہ کرکے 7 افراد کو قتل کیا تھا، واقعے میں کئی افراد زخمی ہوئے تھے۔ڈی ایس پی عبدالقادر نے بتایا کہ دوران آپریشن ڈاکوں کے متعدد ٹھکانوں کو آگ لگادی گئی۔پولیس کے مطابق ڈاکو اپنے مارے گئے ساتھیوں کی لاشیں لیکر فرار ہوگئے، ڈاکوں کی گرفتاری تک آپریشن جاری رہے گا۔اس سے قبل ایس ایس پی سکھر اظہر مغل نے بتایا تھا کہ آپریشن کے دوران ایک پولیس اہلکار شہید اور 3 زخمی ہوگئے، انہوں نے بتایا تھا کہ آپریشن میں100سے زائد پولیس کے جوان حصہ لے رہے ہیں، ڈاکوں کیخلاف آپریشن میں 6 بکتربند گاڑیاں بھی شامل ہیں، ہلاک ڈاکوں کی شناخت کاعمل جاری ہے۔

کریڈٹ: انڈیپنڈنٹ نیوز پاکستان-آئی این پی