سابق صدر کراچی چیمبر آف کامرس جاوید بلوانی نے کہا ہے کہ گل پلازا میں 1077 دکانیں تھیں، جس کی اپروول موجود تھی۔ایک انٹرویو میں انہوں نے کہا کہ کراچی میں ماضی میں بھی مارکیٹ جلنے کے واقعات ہوئے ہیں، ماضی میں بھی مارکیٹیں جلی ہیں، جانی نقصان اتنا نہیں ہوا۔انہوں نے کہا کہ وزیراعلی سندھ سے کہا تھا کہ عمارت اور مال جلنے پر ہمیں افسوس نہیں، جانی نقصان پر شدید دکھ ہے، عمارتوں میں فائر الارم اور آگ بجھانے کے آلات ہوں تو جانی نقصان سے بچا جاسکتا ہے۔جاوید بلوانی کا کہنا تھا کہ انڈسٹریل ایریا میں آگ لگنے پر تین سے پانچ منٹ میں فائر ٹینڈرز پہنچ جاتے ہیں، فائر بریگیڈ کی گاڑیوں کی تعداد بڑھانے کی ضرورت ہے۔

کریڈٹ: انڈیپنڈنٹ نیوز پاکستان-آئی این پی