بلوچستان کے علاقے دشت میں دھماکے سے متاثرہ ٹریک کی بحالی کا کام مکمل نہ ہوسکا، جس کے باعث بدھ کی صبح پشاور جانے والی جعفر ایکسپریس منسوخ کر دی گئی۔ ریلوے حکام کے مطابق جعفر ایکسپریس کے مسافروں کو مکمل ٹکٹ ریفنڈ کیا جائے گا۔واضح رہے کہ گزشتہ روز سپیزنڈ کے علاقے میں گزشتہ روز ریلوے ٹریک پر دھماکا ہوا تھا، جس سے چھ بوگیاں پٹڑی سے اتر گئی تھیں اور ایک بوگی الٹ گئی تھی، متاثرہ ٹریک سے تاحال بوگیاں نہیں ہٹائی جا سکیں، حادثے میں 12 مسافر معمولی زخمی ہوئے تھے۔ریلوے حکام کا کہنا ہے کہ متاثرہ ٹریک سے بوگیاں ہٹانے اور پٹڑی کی بحالی کا کام جلد مکمل کر لیا جائے گا۔

کریڈٹ: انڈیپنڈنٹ نیوز پاکستان-آئی این پی