چولستان یونیورسٹی آف ویٹرنری اینڈ اینیمل سائنسز بہاولپور کے طلبہ و طالبات نے پاک فوج کے زیرِ اہتمام ایک معلوماتی اور یادگار دورہ کیا جس کا مقصد نوجوانوں کو قومی دفاع، عسکری تربیت اور پاک فوج کی پیشہ ورانہ صلاحیتوں سے آگاہ کرنا تھا۔طلبہ نے دورے کے دوران خیرپور ٹامیوالی فائرنگ رینج کا دورہ کیا جہاں انہیں ٹینک فائر، جدید ہتھیاروں کے عملی مظاہرے اور عسکری سازوسامان کا براہِ راست مشاہدہ کروایا گیا، اس موقع پر پاک فوج کے افسران نے طلبہ کو جدید دفاعی نظام، جنگی تیاریوں اور پیشہ ورانہ مہارتوں کے بارے میں تفصیلی بریفنگ دی۔طلبہ و طالبات نے پاک فوج کی اعلی تربیت، نظم و ضبط اور پیشہ ورانہ صلاحیتوں کو سراہتے ہوئے اس تجربے کو نہایت متاثر کن قرار دیا، ایسے دورے نوجوانوں میں حب الوطنی کے جذبے کو فروغ دینے اور قومی دفاع سے متعلق شعور اجاگر کرنے میں اہم کردار ادا کرتے ہیں۔اس موقع پر طلبہ نے معرکہ حق (آپریشن بنیان المرصوص) کی تاریخی فتح پر خراجِ تحسین پیش کرتے ہوئے پاک فوج کے ساتھ بھرپور یکجہتی کا اظہار کیا، دورے کے اختتام پر طلبہ و طالبات نے ملک کی ترقی اور دفاع کے لیے اپنا بھرپور کردار ادا کرنے کے عزم کا اعادہ بھی کیا۔

کریڈٹ: انڈیپنڈنٹ نیوز پاکستان-آئی این پی