بشری بی بی کی بہن مریم ریاض وٹو نے کہا ہے کہ بشری اپنے شوہر عمران خان کو دھوکا دینے کے بارے میں سوچ بھی نہیں سکتیں، 8 ہفتوں سے خاندان کے افراد کو بشری بی بی سے ملنے کی اجازت دی گئی، حتی کہ وکلا کو بھی نہیں ملنے دیا جا رہا، ہمارے پاس بشری بی بی سے متعلق کوئی خبر نہیں ہے۔سوشل میڈیا پلیٹ فارم ایکس پر جاری بیان میں مریم وٹو نے کہا کہ کچھ ٹائوٹس کو استعمال کرکے یہ تاثر پیدا کرنے کی کوشش کی جا رہی ہے کہ میں عمران خان کو دھوکا دے کر اپنی بہن بشری بی بی کو باہر لانے کی کوشش کررہی ہوں، ہمارے خلاف ایک گھنائونہ منصوبہ بنایا جا رہا ہے، یہ لوگ کس طرح اتنا جھوٹ بول سکتے ہیں۔مریم وٹو کا کہنا تھا کہ بشری بی بی نے خود اپنے آپ کو بنی گالہ سے جیل منتقل کرنے کا فیصلہ کیا، پہلے انہوں نے خود کو بہادری سے پیش کیا اور پھر دوسری بار خود جیل گئیں۔

انہوں نے مزید کہا کہ اگر بشری بی بی نے عمران خان کو دھوکا دینا ہوتا تو وہ بہت پہلے اپنی پہلی بار گرفتاری سے پہلے یہ کام کر سکتی تھیں، جب ان کے پاس یہ موقع بھی تھا۔مریم وٹو نے کہا کہ میں پہلے بھی اپنے انٹرویوز میں یہ بات کہہ چکی ہوں کہ میں نے بشری بی بی سے درخواست کی تھی کہ وہ ہمارے پاس آجائیں، امی بھی یہیں ہیں اور عمران خان کی گرفتاری کے بعد آپ اکیلی ہیں تاہم انہوں نے کہا اگر میں نے امی سے ملنے کے لیے بھی پاکستان چھوڑا تو لوگ کہیں گے کہ میں نے عمران خان کو چھوڑ دیا ہے، میں کبھی بھی عمران کو اکیلا نہیں چھوڑ سکتی۔ان کا کہنا تھا کہ بشری بی بی اپنے شوہر عمران خان کو دھوکا دینے کے بارے میں سوچ بھی نہیں سکتیں، ان شا اللہ دونوں ہمیشہ ساتھ رہیں گے۔

کریڈٹ: انڈیپنڈنٹ نیوز پاکستان-آئی این پی