بلوچستان کے ضلع سبی اور خضدار میں زلزلے کے جھٹکے محسوس کیے گئے۔زلزلہ پیمامرکز کے مطابق ضلع سبی میں 4 شدت زلزلے کے جھٹکے محسوس کیے گئے ۔ زلزلے کی گہرائی 10کلومیٹر تھی، زلزلے کا مرکزسبی سے50کلومیٹر جنوب مغرب میں تھا جبکہ ضلع خضدار میں زلزلے کی شدت 3.3 جبکہ گہرائی 15 کلو میٹر ریکارڈ کی گئی۔ زلزلے کا مرکز خضدار سے 80کلومیٹر دور شمال مغرب میں تھا۔زلزلے کے بعد لوگوں میں خوف وہراس پھیل گیا،عوام کلمہ طیبہ کا ورد کرتے گھروں سے باہر نکل آئے۔ زلزلے میں کسی جانی و مالی نقصان کی اطلاع موصول نہیں ہوئی۔

کریڈٹ: انڈیپنڈنٹ نیوز پاکستان-آئی این پی