بلوچستان حکومت نے کوئٹہ کے نواحی علاقے سورینج میں کوئلہ کان حادثے کی تحقیقات تین مختلف سطحوں پر کرانے کا فیصلہ کیا ہے۔رپورٹ کے مطابق تحقیقات میں کورٹ آف انکوائری، محکمانہ انکوائری اور وزیراعلی معائنہ ٹیم شامل ہیں، تینوں تحقیقات کی رپورٹس 15 روز سے ایک ماہ کے اندر پیش کی جائیں گی۔ خیال رہے کہ کان میں گیس دھماکے سے 34 قیمتی انسانی جانیں چلی گئیں۔ماہرین کا کہنا ہے کہ صرف تحقیقاتی رپورٹس کافی نہیں، ذمہ داروں کے خلاف سخت کارروائی اور کان کنوں کی حفاظت کو یقینی بنایا جائے۔

کریڈٹ: انڈیپنڈنٹ نیوز پاکستان-آئی این پی