پاکستان نے بھارتی طیاروںکیلئے فضائی حدود کی بندش میں 23 دسمبر تک توسیع کردی، بھارتی مسافر اور عسکری طیاروں کیلئے پاکستان کی فضائی حدود بند رہے گی ۔پاکستان ایئرپورٹس اتھارٹی (پی اے اے) نے جمعرات کو نوٹم (نوٹس ٹو ایئرمین) جاری کرتے ہوئے بھارتی طیاروں کیلئے فضائی حدود کی پابندی میں 24 دسمبر تک توسیع کر دی ہے۔یہ نئی پابندی اس وقت نافذ کی گئی ہے جب پچھلی پابندی کے خاتمے میں صرف چار دن باقی رہ گئے تھے۔اپریل کے آخر میں مقبوضہ کشمیر کے پہلگام میں ہونے والے حملے میں 26 افراد ہلاک ہوئے تھے، جس کے بعد دونوں ممالک کے درمیان کشیدگی میں اضافے کے پیشِ نظر بھارت اور پاکستان نے اپنی فضائی حدود ایک دوسرے کی ایئرلائنز کے لیے بند کر دی تھیں۔نوٹم کے مطابق نئی پابندی 19 نومبر بروز منگل پاکستانی وقت کے مطابق دوپہر 2 بج کر 50 منٹ سے 24 دسمبر صبح 4 بج کر 59 منٹ تک نافذ العمل ہے۔یہ پابندی بھارت میں رجسٹرڈ تمام طیاروں کے ساتھ ساتھ ان تمام طیاروں پر بھی لاگو ہو گی جو بھارتی ایئرلائنز یا آپریٹرز کی ملکیت، نگرانی یا لیز پر ہوں، جن میں فوجی پروازیں بھی شامل ہیں۔پاکستان سول ایوی ایشن اتھارٹی (پی سی اے اے) کی 2022 کی دستاویز کے مطابق پاکستان کی فضائی حدود دو فلائٹ انفارمیشن ریجنز (کراچی اور لاہور) پر مشتمل ہے، یہ نوٹم دونوں کراچی اور لاہور فلائٹ انفارمیشن ریجنز پر لاگو ہوتا ہے

کریڈٹ: انڈیپنڈنٹ نیوز پاکستان-آئی این پی