اسلام آباد میں بلدیاتی انتخابات کیلئے کاغذات نامزدگی جمع کرانے کی تاریخ میں30 دسمبر تک توسیع کردی گئی۔ترجمان الیکشن کمیشن کے مطابق بلدیاتی انتخابات میں حصہ لینے والے امیدوار30 دسمبرتک کاغذات جمع کروا سکیں گے، پہلے کاغذات نامزدگی جمع کروانے کی آخری تاریخ 27 دسمبر تھی۔واضح رہے کہ اسلام آباد میں بلدیاتی انتخابات کے لئے کاغذات نامزدگی کے اجرا اور جمع کروانے کا 27دسمبر کو آخری روز تھا۔ الیکشن کمیشن کے مطابق اسلام آبادمیں انتظامیہ نے متحدہ عرب امارات کے صدر کے دورہ کی وجہ سے جمعہ کو تعطیل کا اعلان کر رکھا تھا تاہم بلدیاتی الیکشن کیلئے کاغذات نامزدگی کااجرااور وصولی معمول کے مطابق ہوگی۔

کریڈٹ: انڈیپنڈنٹ نیوز پاکستان-آئی این پی