نائب وزیراعظم و وزیر خارجہ اسحاق ڈار اور یورپی یونین کی نائب صدر کایا کیلس کے درمیان ٹیلیفونک رابطہ ہوا ہے۔ترجمان دفتر خارجہ کے مطابق پاکستان اور یورپی یونین کے تعلقات میں مثبت پیشرفت کا خیرمقدم کرتے ہوئے دونوں رہنمائوں نے دو طرفہ تعاون کو مزید گہرا کرنے کے طریقوں پر تبادلہ خیال کیا۔ دونوں رہنمائو ں نے ایران سمیت حالیہ علاقائی اور بین الاقوامی پیشرفت پر بھی آرا کا تبادلہ کیا۔علاوہ ازیں نائب وزیراعظم و وزیرِ خارجہ اسحاق ڈار نے مسلسل مکالمے اور روابط کی اہمیت پر زور دیتے ہوئے قریبی رابطے میں رہنے پر اتفاق کیا۔

کریڈٹ: انڈیپنڈنٹ نیوز پاکستان-آئی این پی