الیکشن کمیشن آف پاکستان میں بڑے پیمانے پر تقرر اور تبادلے کردئیے گئے ،جس کا نوٹیفکیشن بھی جاری کر دیا گیا ۔نوٹیفکیشن کے مطابق سعید احمد خان ریجنل الیکشن کمشنر فیصل آباد، عبدالصمد خان ڈی آئی خان، مظہر حسین ژوب جب کہ محمد قیوم ننکانہ صاحب، محمد جمیل منڈی بہاوالدین، محمد خلیل کو ڈسٹرکٹ الیکشن کمشنر گوجرانوالہ تعینات کیا گیا ہے۔اسی طرح وسیم کاشف خان لودھی ڈسٹرکٹ الیکشن کمشنر نارووال، حامد نواز کوہاٹ، عمر خان ہنگو، آصف خان خٹک کو بنوں میں تعیناتی کے احکامات دئیے گئے ہیں۔ اصغر خان ڈسٹرکٹ الیکشن کمشنر بٹ گرام، شاہد علی مہمند، واجد علی خیبر، عبدالروف خان ٹانک، امین بشیر علی لاڑکانہ، عطا اللہ بروہی سکھر تعینات ہوئے ہیں۔دوسری جانب عبدالحلیم ڈسٹرکٹ الیکشن کمشنر چاغی، طفیل احمد پنجگور، شوکت علی آواران، احسان اللہ شاہ مستونگ، مٹھا خان کوہلو، صفی اللہ ڈیرہ بگٹی، اشفاق حسن خانیوال، محمد رضوان کا بہاولپور تبادلہ کیا گیا ہے۔نوٹیفکیشن کے مطابق عبدالصمد خان کو ریجنل الیکشن کمشنر بنوں ، اشفاق احمد کو ڈسٹرک الیکشن کمیشن لیہ اور عمر خان کو ڈسٹرکٹ الیکشن کمشنر کرم کا اضافی چارج دے دیا گیا ہے۔

کریڈٹ: انڈیپنڈنٹ نیوز پاکستان-آئی این پی