اقوام متحدہ کی سلامتی کونسل اجلاس میں پاکستان کے قائم مقام مستقل مندوب سفیر عثمان جدون نے ایران کے جوہری پروگرام سے متعلق تمام امور کا حل مکالمے کے ذریعے ہی ممکن قرار دیا ہے۔ایران کے جوہری پروگرام کے معاملے پر سلامتی کونسل کے اجلاس میں خطاب کرتے ہوئے عثمان جدون نے کہا کہ پاکستان نے پابندیاں دوبارہ نافذ کرنے کی حمایت نہیں کی اور فریقین کو جلدبازی سے باز رہنے کی تلقین بھی کی۔انہوں نے کہا کہ تصادم سے گریز کرنا ضروری ہے اور سفارت کاری کو کامیاب ہونے کے لیے مزید وقت دیا جانا چاہیے۔عثمان جدون نے مزید کہا کہ موجودہ صورتحال پہلے ہی یو این منشور کی خلاف ورزیوں اور طاقت کے یکطرفہ استعمال کے باعث پیچیدہ ہو چکی ہے۔

کریڈٹ: انڈیپنڈنٹ نیوز پاکستان-آئی این پی