چین کے شہر شی آن میں جاری آٹھویں سلک روڈ انٹرنیشنل ایکسپو میںموجود مصنوعات کی اقسام نے نیا رکارد قائم کر دیا ، پاکستان نے ایکسپو میں مہمان خصوصی کی حیثیت سے شرکت کی ، وزیر پیٹرولیم مصدق ملک نے چین کی معروف کمپنیوں کے ساتھ مل کر پاکستان میں سرمایہ کاری کے مواقع متعارف کرائے اور کہا کہ ہم شراکت داری کے خواہاں ہیں،بیرون ملک مقیم چینی تاجروں کی جانب سے ملک اور شعبے کے لیے مخصوص پویلین اور بوتھ قائم کیے گئے۔چائنہ اکنامک نیٹ کے مطابق چین کے شہر شی آن میں جاری آٹھویں سلک روڈ انٹرنیشنل ایکسپو میں بین الاقوامی برادری کی جانب سے ریکارڈ تعداد میں شرکت دیکھنے میں آئی جو چین کے مواقع کی کشش کو ظاہر کرتی ہے۔ پانچ براعظموں کے 41 ممالک سے تعلق رکھنے والی 73 بین الاقوامی کاروباری تنظیموں اور کاروباری اداروں کے ساتھ ساتھ بیرون ملک مقیم چینی تاجروں کی جانب سے ملک اور شعبے کے لیے مخصوص پویلین اور بوتھ قائم کیے گئے ، جن میں شرکت کرنے والے ممالک کی تعداد اور نمائش میں موجود مصنوعات کی اقسام نے نیا رکارد قائم کیا ۔ چائنہ اکنامک نیٹ کے مطابق اطالوی پویلین میں، زائرین اس کے صدیوں پرانے گیلاٹو(اٹلی کی آئس کریم) کے تازہ میٹھے ذائقے سے لطف اندوز ہوئے ۔ چین میں اٹلی میں قائم کیموفلر ایس آر ایل کمپنی کے نمائندے ڈونگ نے سی ای این کو بتایا کہ نمائش میں روزانہ 30 سے زیادہ ذائقوں کے تقریبا 6000 گیلاٹو فروخت کیے جاتے ہیں۔ انہوں نے کہا وبائی امراض کے بعد معاشی بحالی نے ان غیر ملکی مصنوعات کی فروخت کو مضبوط ترغیب دی ہے، جس کی چینی صارفین میں مقبولیت کا سہرا چینی عوام کے بڑھتے ہوئے معیار زندگی کو بھی جاتا ہے۔ آسٹریلین پریمیم ہنی برانڈ کری بے کے نمائندے ژانگ نے اپنا نقطہ نظر پیش کیا۔ انہوں نے سی ای این کو بتایا عالمی اقتصادی چیلنجوں کے درمیان، وسیع چینی مارکیٹ ہمارے جیسے بہت سے بین الاقوامی برانڈز کے لئے ٹھِکانا فراہم کرتی ہے۔

مارکیٹ کے مواقع بڑھانے کے علاوہ، بین الاقوامی کاروباری ادارے بھی سرمایہ کاری اور مشترکہ منصوبوں کے لئے آتے ہیں. چائنہ اکنامک نیٹ کے مطابق رواں سال کی ایکسپو کے مہمان خصوصی پاکستان کے پویلین میں پاکستانی وزیر پیٹرولیم نے برادر ملک چین کی معروف پیٹرولیم کمپنیوں کے ساتھ مل کر پاکستان میں سرمایہ کاری کے مواقع متعارف کرائے اور شراکت داری کے خواہاں ہیں۔ پاکستان کی آئل اینڈ گیس ڈیولپمنٹ کمپنی نے چینی کمپنی سی سی ڈی سی کے ساتھ پاکستان میں شیل اور ٹائٹ گیس کی تلاش کے لئے مفاہمت کی یادداشت پر دستخط کیے ہیں۔ چائنہ اکنامک نیٹ کے مطابق معلوم ہوا ہے کہ برطانیہ، اٹلی، پاکستان، روس اور جنوبی کوریا سمیت 28 ممالک اور بین الاقوامی تنظیموں سے مجموعی طور پر 62 بین الاقوامی نمائش کنندگان تعاون کے مواقع کی تلاش میں سیکٹر کے مخصوص نمائشی علاقوں میں وفد کی شکل میں گئے۔ چائنہ اکنامک نیٹ کے مطابق سمرقند، ازبکستان کی حکومت کے سرمایہ کاری اور تجارت کے سربراہ نوروز زریپوف نے اس بات پر زور دیا کہ چین کی صنعتی اپ گریڈ بین الاقوامی کاروباری اداروں کے لئے ایک اہم کشش کے طور پر کام کرتی ہے۔ چائنہ اکنامک نیٹ کے مطابق انہوں نے کہا تھری ڈی پرنٹنگ سے لے کر ہائیڈروجن انجنوں سے چلنے والی گاڑیوں تک، مصنوعی ذہانت سے طبی علاج کے لیے مشینوں سے لے کر صاف کوئلے کی ٹیکنالوجی تک یہاں میں نے اعلی درجے کی مینوفیکچرنگ مصنوعات اور سبز ، اسمارٹ نقل و حمل کے سامان کی مختلف نمائشیں دیکھی ہیں۔ اب چائنا یورپ ریلوے ایکسپریس کے ساتھ ، ہم چین میں تیار کردہ مصنوعات جیسے پی وی اور آٹو پارٹس خرید سکتے ہیں ، اور چین کو بھی اپنی زرعی مصنوعات برآمد کرسکتے ہیں۔ نمائش کے دوران ، چائنا یورپ ریلوے ایکسپریس کا ایک نیا ٹرانس کیسپین روٹ شروع کیا گیا تھا ، جو شی آن کو بحیرہ کیسپین اور بحیرہ اسود کے آس پاس کے ممالک سے جوڑتا ہے ، جس سے علاقائی ممالک کے لئے چین کی ترقی کے فوائد کو بانٹنے کی نئی راہیں کھل جاتی ہیں۔

کریڈٹ: انڈیپنڈنٹ نیوز پاکستان-آئی این پی ویلتھ پاک