حکومت نے عوام پر مہنگائی کا ایک اور بم گرادیا، ملک بھرمیں بجلی ایک روپے 11 پیسے فی یونٹ مہنگی کردی گئی۔نیپرا کے جاری نوٹیفکیشن کے مطابق بجلی اگست کی فیول پرائس ایڈجسٹمنٹ کے تحت ایک ماہ کیلئے مہنگی کی گئی۔نوٹیفکیشن میں کہا گیا کہ کراچی سمیت ملک بھر کے صارفین سے اضافہ اکتوبر کے بلوں میں وصول ہوگا۔ذرائع کے مطابق اگست کی فیول ایڈجسٹمنٹ سے صارفین پر 19 ارب روپے کا اضافی بوجھ منتقل ہوگا۔لائف لائن صارفین پر اس اضافے کا اطلاق نہیں ہوگا۔

کریڈٹ: انڈیپنڈنٹ نیوز پاکستان-آئی این پی