ایس آئی ایف سی کے تعاون سے توانائی کے شعبے میں انقلاب متوقع ہے جس میں جامع حکمت عملی کے مثبت اثرات سامنے آرہے ہیں۔تفصیل کے مطابق ایس آئی ایف سی کی معاونت سے توانائی کے شعبے میں اصلاحات سے خودانحصاری کی راہ ہموار ہورہی ہے جبکہ گردشی قرضے پر قابو پانے کیلئے جامع حکمت عملی پر عمل درآمد اور پالیسی سطح پر اہم اقدامات کیے گئے ہیں۔سکھر میں پاور پراجیکٹ اور جنوبی سندھ میں توانائی کی ضروریات پوری کرنے کے لیے کام جاری ہے۔ سعودی عرب اور چین کی مدد سے توانائی کے اہم منصوبوں ہائیڈرو اور سولر پروڈکشن کا آغاز بھی کردیا گیا ہے۔دوسری جانب شنگھائی الیکٹرک کی تھر کول بلاک میں سرمایہ کاری اور بران فیلڈ ریفائنریوں کی اپگریڈیشن شروع کردی گئی ہے اور ماڑی پٹرولیم، اٹک، وزیرستان اور دادو میں گیس کی نئے ذخائر دریافت اور توانائی میں خودکفالت کی پیش رفت سامنے آئی ہے۔

کریڈٹ: انڈیپنڈنٹ نیوز پاکستان-آئی این پی