آئی ایم ایف کا ایک تکنیکی وفد ملک کے پبلک فنانس مینجمنٹ اور بجٹ اصلاحات کا جائزہ لینے کے لیے پاکستان پہنچ گیا ۔یہ مشن مالیاتی پالیسیوں، آڈٹ کے طریقوں اور اخراجات میں شفافیت کو بہتر بنانے کے اقدامات پر سرکاری حکام کے ساتھ تفصیلی بات چیت کرے گا،تیکنیکی وفد کو پبلک فنانس منیجمنٹ پلان کی نگرانی کیلئے کمیٹی کی تشکیل سے آگاہ کیا جائے گا۔سرکاری ذرائع کے مطابق آئی ایم ایف کی ٹیم نے گزشتہ 10 سالوں کے دوران جاری کردہ ضمنی گرانٹس کا آڈٹ کرانے مطالبہ کررکھا ہے،جس میں فنڈز کے استعمال کے بارے میں جوابدہی اور وضاحت طلب کی گئی ہے،جبکہ ٹیم نے وفاقی حکومت کے اخراجات کو محدود کرنے پر بھی زور دیا ہے۔آئی ایم ایف وفد بجٹ پریکٹس میں تبدیلی،اہداف پرعملدرآمدکاجائزہ لیگا،آئی ایم ایف نے مالی نظم وضبط کی پالیسی پرعملدرآمد پر زوردیا،اس کے علاوہ حکومت سے توانائی اورآپریشنل نقصانات کم کرنے کا مطالبہ کیا،جبکہ قرضوں کے بہتر استعمال اور اخراجات میں شفافیت پرزوردیا،ٹیکس وصولیوں میں بہتری اور سبسڈی کے درست استعمال کی ہدایت کی گئی ہے۔

کریڈٹ: انڈیپنڈنٹ نیوز پاکستان-آئی این پی