اینٹی نارکوٹکس فورس (اے این ایف) نے منشیات کے خلاف کارروائیاں کرتے ہوئے 175 کلوگرام منشیات برآمد کر لی جبکہ ایک ملزم کو گرفتار کر لیا گیا۔ترجمان اے این ایف کے مطابق یہ کارروائیاں پشاور اور کلر کہار کے مختلف علاقوں میں کی گئیں، کارروائیوں کے دوران 174 کلوگرام چرس اور ایک کلوگرام آئس برآمد کی گئی۔ترجمان کا کہنا ہے کہ گرفتار ملزم کے خلاف انسدادِ منشیات ایکٹ 1997 کے تحت مقدمات درج کر لیے گئے ہیں جبکہ مزید تفتیش جاری ہے۔

کریڈٹ: انڈیپنڈنٹ نیوز پاکستان-آئی این پی