پاکستان اور ڈنمارک نے پائیدار ترقی کے اہداف ،قابل تجدید توانائی اور تجارت پر تعاون کو بڑھا کر اپنے دوطرفہ تعلقات کو مضبوط بنانے کا اظہار کیا ہے۔ جی ایس پی پلس اسٹیٹس پاکستان سے یورپی یونین میں ٹیرف فری درآمدات کی اجازت دیتا ہے ،پلاننگ کمیشن کے انٹرنیشنل ٹریڈ سیکشن کے ایک اہلکار ایم امین الدین نے ویلتھ پاک کو بتایا کہ پاکستان کا توانائی کے بیرونی ذرائع جیسے فوسل فیول، گیس اور توانائی کی دیگر اقسام پر انحصار ملک کے کرنٹ اکائونٹ خسارے کی بنیادی وجہ ہے۔انہوں نے کہا کہ "صاف اور سبز توانائی پر منتقل کرنے سے نہ صرف اس بوجھ کو کم کیا جائے گا، بلکہ کاربن کے اخراج میں بھی کافی حد تک کمی آئے گی۔"امین نے کہا کہ پاکستان کی حالیہ پالیسیوں اور اقدامات نے قابل تجدید توانائی(ہائیڈرو، سولر اور ونڈ)کی طرف منتقلی میں اضافہ کی ضرورت پر زور دیا ہے۔اقوام متحدہ کے مطابق، پائیدار ترقی ہدف کے تحت، 2030 تک سب کے لیے سستی، قابل اعتماد، پائیدار، اورجدید توانائی کو یقینی بنایا جانا چاہیے۔ " اہلکار نے کہاکہ۔"اگر ڈنمارک متبادل توانائی کے ذرائع 50 فیصد تک بڑھانے اور تھرمل اور فوسل فیول پر انحصار کم کرنے کے لیے پاکستان کو تکنیکی اور مالی مدد فراہم کرنے کے لیے تیار ہے، تو یہ ایک بہترین کوشش ہوگی جو روایتی سسٹم سیتبدیلی کو تیز کرے گی۔انہوں نے نشاندہی کی کہ ہوا کی توانائی اس وقت پاکستان میں توانائی کی کل پیداوار کا ایک چھوٹا حصہ ہے، لیکن ڈنمارک میں اس کا حصہ 50 فیصد سے زیادہ ہے۔ "یہ ایک ایسا علاقہ ہے جہاں ڈنمارک، جو کہ سبز توانائی میں عالمی رہنما ہے، ہماری بہت مدد کر سکتا ہے۔

پاکستان میں ڈنمارک کی سفیر لیز روزن ہولم نے حال ہی میں ایک تقریب میں کہا کہ گرین ٹرانزیشن کے لیے پاکستان کی پرجوش پالیسیوں اور گرین گروتھ اور پائیداری میں ڈنمارک کی مہارت کے ساتھ، دونوں ممالک کے درمیان تعاون کی مضبوط بنیاد ہے۔انہوں نے نشاندہی کی کہ موسمیاتی تبدیلی اور ماحولیاتی اور حیاتیاتی بگاڑ جدید دور کے اہم خدشات ہیں۔"ڈنمارک سبز معیشت کی طرف منتقلی میں ایک عالمی علمبردار ہے۔ ہم ڈینش انرجی ٹرانزیشن اقدام کے تحت توانائی کی منصوبہ بندی، قابل تجدید توانائی کے انضمام، آف شور ونڈ، اور توانائی کی کارکردگی میں دہائیوں کے علم اور نظریات کو فوسل فیول سے قابل تجدید توانائی کی طرف منتقل کرنے میں عالمی رہنما ہیں۔" انہوں نے کہا۔تجارت کے لحاظ سے، کئی سالوں سے، ڈنمارک کو پاکستان کی برآمدات اوپر کی جانب گامزن ہیں۔ دوسری جانب ڈنمارک سے درآمدات میں کمی آئی ہے۔ ویلتھ پاک نے رپورٹ کیا کہ پاکستان یورپی یونین کے جی ایس پی پلس اسٹیٹس سے فائدہ اٹھاتا ہے، جو پاکستان سے یورپی یونین میں ٹیرف فری درآمدات کی اجازت دیتا ہے، جس سے پاکستانی مصنوعات ڈنمارک میں زیادہ مسابقتی بنتی ہیں۔ڈنمارک سے اہم درآمدات میں مشینری، پرزے، طبی اور دواسازی کی مصنوعات، چربی، کیمیکل، دھاتیں، طبی اور جراحی کے آلات شامل ہیں۔ ڈنمارک کی کمپنی پاکستان میں سیمنٹ پلانٹس کے لیے ٹیکنالوجی اور مشینری کی ایک بڑی سپلائر ہے۔

کریڈٹ:
انڈیپنڈنٹ نیوز پاکستان-آئی این پی